Европската комисија и го одобри превземањето на германската компанија „Siemens“ на делот од работењето на британската компанија „Rolls-Royce“ во областа на гасни турбини.
„Siemens“ во мај соопшти дека од британската компанија ќе го купи одделението за гасни турбини и компресори, а со тоа ќе ја зајакне својата позиција во нафтената и гасната индустрија.
„Rolls-Royce“ е познат како производител на авио-мотори, но исто така произведува и турбини кои се употребуваат во различни индустрии.
Комисијата истакнува дека договорот меѓу германската и британската компанија не претставува формирање на монопол, бидејќи тие не се директни конкуренти и постојат одреден број на ривали на пазарот.
Секторот на „Rolls-Royce“ кој го купи „Siemens“ вработува околу 2.400 работници и минатата година оствари приходи од 1.1 милијади евра.
