„Renault“ на 27-ми август ќе претстави нов тркачки модел кој од 2015-та ќе учествува во првенството „World Series by Renault“.
Новиот суперавтомобил ја има ознаката „R.S.“ (Renault Sport) 01, a премиера ќе има на московскиот саем за автомобили.
Од „Renault“се уште не се подготвени да ги откријат техничките детали, но засега е познато дека кабината е конструирана како безбедносна капсула од јаглеродни влакна која го штити возачот во случај на незгода.
За погонската единица е задолжено спортското одделение на „Nissan“, „NISMO“. Се очекува моторот да развива преку 500 ks, a моќта ќе се пренесува на тркалата со помош на седумбрзински секвенцијален менувач од компанијата „Sadev“.
„Renault“ соопшти дека „R.S. 01“ ќе има маса од околку 1.100kg.
Првенството „World Series by Renault 2015“ ќе започне во април, а предвидено е да се одржат девет трки.
