Електричните автомобили се се повеќе популарни. Најмногу такви автомобили денес се купуваат во Јапонија, Шведска и Норвешка.
Во Норвешка продажбата на хибридни автомобили е 12% од сите нови продажби на автомобили.
Големите компании како „Audi“, „Tesla“, „Honda“ и „Nissan“ се трудат многу во дизајнот на луксузни хибридни автомобили. За сега хибридните автомобили се малку поскапи од другите.
Овие 5 пак се најскапите кои можете да ги купите во моментов:
5. „The Lightning GT“ – 300.000 долари.
Оваа година од овој модел ќе се произведат само 50 примероци, па не секој може да го поседува. Максималната брзина е 210 км/час.
4. „Mercedes Benz SLS AMG Electric Drive“ – 550.000 долари.
Уште еден автомобил во лимитирана верзија. Максималната брзина е 250 км/час. Достигнува 100км/час за 3.9 секунди. Има моќност од 740 коњски сили. Во моментов целосно електричното полнење трае 20 часа и „Mercedes-Benz“ работи на варијанти за намалување на ова време. Автомобилот ќе се појави на европскиот пазар во 2015-та година.
3. „Rimac Concept 1“ – 980.000 долари.
Хрватската компанија „Rimac Automobili“ е производител на овој двосед со моќност од 1088 коњски сили. Забрзува до 100 км/час за 2,8 секунди. Само 88 примероци од него ќе бидат произведени во оваа година.
2. „Mercedes-Benz SLS Electric Gullwing E-Cell“ – 1 милион долари.
Ова е првиот целосно електричен супер автомобил. Има моќност од 526 коњски сили. Забрзува до 100 км/час за помалку од 4 секунди.
1. „Rolls Royce Phantom 102EX Electric Car“ – 1,6 милиони долари.
Се уште се смета за експериментален модел. Компанијата треба да доработи на некои недостатоци, како тоа дека е потежок од оригиналниот „Phantom“. Поминува 160 километри со едно полнење, а времето за истото е 8 часа.