Профитот на германскиот софтверски гигант SAP во вториот квартал е погоден од еднократните трошоци, но компанијата наведува дека ја задржува прогнозата за профит за цела година.
Нето профитот на SAP во три месеци заклучно со јуни е намален за 23 проценти на 556 милиони евра, додека профитот од работењето е намален за 29 проценти на 698 милиони евра, и покрај растот на приходите од два проценти на 4,15 милијарди евра, пренесува агенцијата Франс прес.
На профитот на германската компанија влијаеше и одвојувањето на 289 милиони евра за долготрајниот спор околу патентот со американската компанија „Versata“, на која „SAP“ по судската пресуда треба да и исплати отштета.
„SAP“ во 2014 година очекува раст на профитот од работењето од 5,8 до шест милијарди евра, во однос на 5,48 милијарди евра во 2013 година.
