Францускиот производител на возила „Exagon Motors“ најави дека ќе го прикаже својот „Furtive-eGT“ модел до крајот на овој месец на манифестацијата „Salute to Style“ во Велика Британија. Овој модел е прикажан минатата година на саемот во Женева и е многу интересен електричен суперавтомобил со привлечен дизајн.
Возилото го карактеризира каросерија од јаглеродни влакна која тежи само 124kg. Автомобилот е опремен со „Li-Ion“ батерија со капацитет од 53kWh која ги стартува двата електромотори кои заедно нудат 402ks моќ и 516Nm вртежен момент.
Ваквата конфигурација му овозможува на возилото со погон на задните тркала да забрза од 0 дo 100km/h зa 3.5 секунди пред него да ја достигне електронски ограничената брзина од 250km/h.
Според информациите овој модел може да помине околу 310km пред да ја испразни батеријата, но оние кои сакаат мотор за продолжување на опсегот можат да сметаат на вкупно движење на овој модел од 734km.