И покрај гласините дека компанијата се откажала од тоа, „Subaru“ го потврди претставувањето на втората генерација на моделот „BRZ“.
Пред две недели беше објавена информација за тоа дека втората генерација на овој модел нема да започне со производство, меѓутоа, Јасујуки Јошинага, претседателот на „Fuji Heavy Industries“ нагласи дека „BRZ“ нема да биде укинат по моменталната генерација.
Се чини дека партнерството меѓу „Toyota“ и „BMW“ сепак нема да има влијание на „Subaru BRZ“, бидејќи новиот спортски автомобил нема да биде директен конкуент на тројката – GT 86/BRZ/FR-S, затоа што ќе биде значително помоќен и поскап.
