Иако „Volkswagen“ прв ја обнови својата, некогашна икона – „Буба“ и ја претвори во модерен лајфстајл модел, „MINI“ е тој кој го искористи целиот потенцијал на новата генерација на овој вид на автомобили. Но „Volkswagen“ би можел наскоро да тргне по истата патека и да понуди на пазарот кросовер верзија на современата „Буба“.
„Volkswagen“ досега претстави два модели во рамките на обновувањето на „Beetle“ семејството – стандардна верзија и кабриолет.
Од друга стана, „MINI“ не престанува со претставување на пазарот на нови верзии, а најновиот модел, осмиот по ред е хечбек со 5 врати.
Во „Volkswagen“ не кријат дека би сакале да ја прошират својата понуда на лајфстајл модели, а најблизок до сериско производство е концептот „Beetle Dune“, кој имаше премиера во јануари 2014-та во Детроит.
Најновите фотографии за кои од „Volkswagen“ велат дека претставува „автомобил кој има дизајн близок до продукцискиот модел“, потврдува дека германскиот производител ќе тргне во таа насока.
Засега не се познати техничките детали за евентуалната сериска верзија, но концептот „Dune“ е опремен со 2.0-литарски турбо-бензинец со 201 ks. Снагата се пренесува на предните тркала со помош на автоматскиот шестстепен „DSG“ менувач со двојно квачило.
Не стануваше збор за верзија со погон 4×4, иако не треба да се исклучи ниту таквата можност.
„Volkswagen“ во 2000-та за прв пат излезе во јавноста со студија кросовер „Буба“, но се чини дека овој пат се одлучни дека еден таков модел ќе понудат на пазарот.