„Bentley“ го модифицираше својот тркачки „Continental GT3 Racer“ така што овој автомобил сега ќе биде достапен и за возење по јавни патишта.
Иако е прилагоден за секојдневно возење, „Bentley Continental GT3-R“ исто како и тркачката верзија има само две седишта, па автомобилот е полесен од спортскиот „Continental GT V8 S“ зa 100 kg.
Зa погон е употребен докажаниот 4.0-литарски „twin-turbo V8“ мотор кој во моделот „GT3-R“ произведува 580 ks и 700 Nm максимален вртежен момент.
Намалувањето на масата во комбинација со подобрениот менувач допринесе овој „Continental“ да стане најдинамичниот сериски произведен „Bentley“ со оглед дека од 0 дo 100 km/h забрзува за само 3.8 секунди.
Максималната брзина на автомобилот изнесува 273 km/h.
Моторот е поврзан со „ZF“ автоматски осумбрзински менувач, а моќта се пренесува на сите четири тркала.
„Bentley Continental GT3 R“ ќе има презентација на манифестацијата „Goodwood Festival of Speed“ која се одржува во Велика Британија од 26-ти дo 29-ти јуни.
Предвидено е производство на ограничена серија од 300 примероци. Иако книгата за нарачки е веќе отворена, првите испораки се планираат за крајот на 2014-та година. Цената по која ќе се продава овој модел засега се уште не е соопштена.