Aгенцијата „Standard & Poor’s“ (S&P) и додели на „Tesla Motors“ кредитен рејтинг од „B-“, наведувајќи дека вложувањето во оваа компанија претставува ризична инвестиција.
„S&P“ објави дека инвестирањето во „Teslа“ е ризично со оглед на тоа дека компанијата има мал спектар на производи и тоа дека обемот на производство на возила во „Tesla Motors“ е значително помало во однос на конкурентските производители на автомобили.
И покрај тоа што е евидентен моменталниот раст во побарувачката на автомобилите на „Teslа“, експертите тврдат дека не постои гаранција, за тоа дека така ќе продолжи и во подолг временски период.
„S&P“ додава дека инвеститорите кои ќе вложат пари во „Tesla Motors“ во случај оваа компанија да не биде во состојба да ги извршува обврските кон доверителите, ќе можат да вратат само 30 до 50 проценти од вложените пари.
