Во наредните денови се очекува Милан да го објави привлекувањето на двајца фудбалери од Валенсија. Тоа се Адил Рами и Али Сисоко.
Првиот играше минатата сезона во редовите на „росонерите“ како позајмен играч, додека вториот одамна е во видното поле на италијанскиот тим, а во сезонава што измина и тој беше позајмен да игра во Ливерпул. Англичаните сепак одлучија да не го задржат во составот за постојано, а тоа им овозможи на Италијанците да испратат понуда за него.
Останувањето на Рами во Милан долго време беше доведено под знак прашалник, а тој дури беше и на чекор до враќање во Валенсија. Шефовите на двата клуба сепак успеале да постигнат договор едни со други и се чини дека Французинот останува на „ Сан Сиро“.
Сисоко, пак, беше на чекор од трансфер во Милан уште во 2009-та година, но тогаш не успеа да ги мине медицинските прегледи. Оттогаш тој уште неколку пати беше поврзуван со премин кај „росонерите“, но не се дојде до нова понуда. Сега сепак спортско-техничкиот штаб повторно го свртел вниманието кон левиот бек, кој се очекува конечно да пристигне на „Сан Сиро“.
