Најголемата германска банка, „Deutsche Bank“, денес соопшти дека ќе го продаде казиното „Cosmopolitan“ во Лас Вегас на приватната акционерска групација „Blackstone“ за 1,73 милијарди долари (1,3 милијарди евра).
Продажбата на пространиот комплекс во кој се вклучени казиното и хотелот е дел од стратегијата на германската групација, која сака да се фокусира на основното банкарско работење, пренесува агенцијата Франс прес.
Сумата ќе биде исплатена во кеш, а трансакцијата допрва треба да биде одобрена од соодветните регуларори, наведува „Deutsche Bank“.
