Кинеската компанија „China Soutern Airlines Corporation“ е заинтересирана за купување на аеродромот во Љубљана, како и словенечката авиокомпанија „Adria Airways“.
Двете фирми се наоѓаат на листата на државни компании, кои словенечката влада и парламент минатата година ги одредија за продажба и приватизација.
На кинезите им се брза и сакаат словенечкиот аеродром да го превземат уште ова лето, а во случај да успеат, тие планираат модернизација на инфраструктурата и завршување на веќе започнатиот нов патнички терминал.
Додека пак за „Adria Airways“, кинезите се заинтересирани за нејзино купување поради квалитетот на нејзината техничка служба за одржување на авионите, а нормално со тоа да добијат и своја аквизиција на европскиот пазар.
