Во времето кога автомобилската индустрија е се повеќе глобализирана, „Peugeot“ одлучи да ја негува традицијата на домашно производство во своите модели. Најновиот во низата модели на овој производител која ја носи етикетата „Гарантирано француско потекло“ е „Peugeot 308 SW“.
Иако производителите своите модели се почесто ги изработуваат надвор од матичните земји, по стандардните технологии и процедури, постојат купувачи на кои им е важно каде нивниот автомобил е направен.
Ознаката „Гарантирано француско потекло“ се доделува на производите кои се направени во Франција и чии 50% од деловите исто така се произведени во оваа земја. Пред новиот караван „308“, на ист начин беа декларирани и „Peugeot“ моделите „508“, „308“, „2008“, „3008“, „5008“, „208 GTI“ и верзијата „208 XY“.
Во оваа компанија сметаат дека производстовто на територијата на Франција е многу важна, затоа што на тој начин се чува традицијата и квалитетот на кој французите се многу горди и се истакнува препознатливиот идентитет на брендот „Peugeot“.
„Peugeot 308 SW“, имаше премиера на женевскиот авто-саем во март 2014-та, а се произведува во градот Сошо, кој е лулка на овој бренд.