Групацијата „Пежо-Цитроен“ ќе го зголеми производството на моделот „2008“, откако добија преку 120.000 нарачки за овој „SUV“ автомобил.
Се очекува дневното производство да се зголеми за 25 проценти, па така од производните погони на француската компанија секој ден ќе излегуваат 860 единици.
Фабриката во Мулхаус, Франција ќе воведе уште една смена за да може да ја задоволи побарувачката, а ова е петти пат од кога се појави моделот „2008“ да се појави потребата за зголемено производство.
Покрај овој модел, „Пежо 308“, кој на саемот во Женева беше прогласен за најдобар автомобил за 2014-та, исто така доби преку 60.000 нарачки, па во француската компанија која во последната година имаше големи загуби, се надеваат на подобри времиња.
