Карла е новото модно студио што ќе се отвори во центарот на скопската чаршија, покрај Безистен, на 31ви март, 2014 година, од страна на Ивана Кнез и Бранка Данчевска. Овој моден свет, во чиј фокус ќе се најде сета авангардност, уникатност и ексклузивност е дело создадено од актуелните и докажани македонски дизајнерки.
Во објектот што вклучува изложбен салон и модно ателје, љубителите на високата мода и луксузниот стил, ќе можат да го најдат своето совршено парче накит, рачно изработено или пак уникатно дизајнирана облека.
Студиото Карла, само ја потврдува веќе успешната соработка помеѓу двете млади и успешни дизајнерки кои за во иднина најавуваат голем број заеднички проекти.
