Порше објави нови промотивни фотографии од новиот врвен модел Боксер ГТС.
Максимално фокусиран кон возачот, Боксер ГТС надворешно е препознатлив по затемнетите куќишта на двојните ксенон светла, редизајнираните браници и 20-инчни алуминиумски тркала.
Спортските седишта во внатрешноста се преслечени во комбинација на кожа и алкантара, а заедно со Порше Актив Суспеншн Менаџмент системот доаѓа и Порше „Спорт Хроно“ пакет.
Централно поставениот 3,4 литарски 6-цилиндерски мотор располага со 330 коњски сили.
Моќта се пренесува преку 6-степен рачен менувач, што овозможува Боксер ГТС од 0 до 100 километри на час да забрзува за 5 секунди, додека неговата максимална брзина изнесува 281 километар на час.
Достапен е и автоматски ПДК менувач со две спојки што Боксер ГТС во Спорт Плус мод го придвижува од 0 до 100 километри на час за 4,7 секунди. Максималната брзина со ПДК автоматски менувач инзесува „само“ 279 километри на час.