„Росонерите“ ќе добијат 20 проценти помали плати

Платите на фудбалерите на Милан речиси сигурно ќе бидат намалени за 20 проценти во новата сезона.

Овој чекор е последица од неубедливите настапи на „росонерите“ во оваа сезона, затоа што тие го заземаат 12-то место на табелата и се на цели 22 поени од посакуваното трето место во Серија А кое дава право на учество во калификациите за Лигата на шампионите.

„И со 80 проценти од платите фудбалерите можат да живеат достоинствено, ве уверувам во тоа. Намалувањето е фиксно во договорите на фудбалерите. Платата е формирана од 80 проценти и плус наградата од 20 проценти, кои зависат од учеството во Лигата на шампионите. За Лига Европа не се предвидуваат пари. Прашањето е решено и нема да има никакви дискусии на оваа тема“, изјави потпретседателот на Милан, Адријано Галијани.