Германскиот производител на спортски автомобили „Porsche“ конечно ги претстави најмоќните верзии на своите два модели „Boxster“ и „Cayman“, а во вакви случаи, најдобро е на бројките да им се препушти да објаснат за што станува збор.
Под хаубата на двата модели се наоѓа подобрениот 3.4-литарски мотор кој во „Boxster GTS“ произведува 330KS и 370Nm, a во „Cayman GTS“ 340KS и 380Nm.
За двете возила стандарден е шестстепениот мануелен менувач и „Ѕport hrono“ пакетот. Како изборен е понуден „PDK“ менувачот со „Ѕport plus“ копчето со кое „Boxster GTS“ и „Cayman GTS“ до „стотка“ стигнуваат за 4.7, односно 4.6 секунди.
Со мануелниот менувач, максималната брзина на „Cayman GTS“ изнесува 285 km/h, додека „Boxster GTS“ постигнува 281 km/h, a покрај ова, двата автомобили се според „Еuro 6“ стандардите и според фабричките податоци трошат 8.2 l/100 km.
Новите модели во продажба ќе се појават во мај 2014-та година и секако нема да бидат воопшто евтини: „Boxster GTS“ на домашниот пазар ќе чини 69.949 евра, додека новите сопственици за „Cayman GTS“ ќе треба да одвојат 73.757 евра.
