Производителот на автомобилски делови, „Capricorn“, стана сопственик на познатата германска тркачка патека за сума од околу 100 милиони евра.
На тој начин, патеката и придружните објекти ќе останат и натаму во германски раце, а новиот сопственик според домашните медиуми во комплексот ќе вложи дополнителни 25 милиони евра.
„Capricorn“ и пред оваа трансакција имаше деловни врски со Нирбургринг, со оглед на тоа дека од 350-те вработени во компанијата, од нив 100-тина работеа во тест-производниот центар на овој производител кој се наоѓа во објектот во ракмите на патеката.
Кога станува збор за иднината и намената на Нирбургринг, според најавите на новиот сопственик, фановите немаат причина за страв. „Capricorn“ соопшти дека ќе продолжи да организира трки и други дополнителни манифестации на кои патеката и досега беше домаќин.
Како можни купувачи на патеката Нирбургринг, која во последните години беше во финансиски проблеми, во јавноста меѓу останатите се појавуваа и американската компанија „HIG Capital“, германски „ADAC“ и Берни Еклстоун, а љубителите на автомобили кон крајот на 2013-та година одржаа протест за спас на патеката.
