Овен (21.03 – 20.04)
Лесно е да ве повредат, затоа што сте чувствителни и склони кон промена на расположението. Но, во моментите кога најголемата тага ве обзема, планирате како да се извлечете, што е добар почеток. Гледајте на работите и од поинаков аспект, обидете се да разберете дека се е со причина и научете се да се надевате на подобро.
Бик (21.04 – 21.05)
Вие знаете како да уживате во животот, па не е ни чудо што во секој момент наоѓате убавина и надеж. Енергични сте, имате богата фантазија, ги цените правилните вредности и знаете да бидете оптимисти. Иако не ве заобиколуваат разочарувањата и тешкотиите, сепак знаете да воспоставите лична контрола. Одлична помош ви се уметноста, природата и домашните миленици.
Близнаци (22.05 – 22.06)
Сериозноста и професионализмот треба да бидат ваши главни одлики денес. Внимавајте на секој збор што ќе го кажете, затоа што голема е веројатноста некоја ваша забелешка да повреди некого, иако тоа нема да ви биде намерата. Бидете цврсти кога станува збор за тоа што сакате од врската.
Рак (22.06 – 22.07)
На работа обидете се да не ви стане навика да не ги завшувате обврските и најдете мотивација која ќе ве води понатака. Потрудете се да ги избегнувате оние кои ја користат вашата љубезност, а кога веќе тоа ќе го сфатите предоцна, утешете се со омилената литература, музика или присуството на искрениот пријател.
Лав (23.07 – 22.08)
Започнете го утрото со обилен појадок затоа што ќе ви биде потребна енергија за да го завршите денот што е пред вас. Одлично ќе се справувате со административни задачи и работа со документи, па подобро е прво тие обврски да ги прешкртате од вашиот список. Во втората половина од денот ќе бидете порелаксирани и желни да бидете меѓу многу луѓе.
Девица (23.08 – 22.09)
Горчливите и непријатни моменти во животот едноставно не умеете да го гледате од друга перспектива од онаа реалната. Исто така, поседувате доволно сила и одлучност самите да се извлечете од песимистичкото расположение. Кога ќе почувствувате дека ве обзема црнилото сконцентрирајте се на љубовта, работата која ве исполнува и пријателите кои ги имате во изобилие.
Вага (23.09 – 22.10)
Животните удари може да ви нанесат големо нерасположение и турбулентни периоди. Најсигурен начин повторно да се здобиете со самодоверба и да го вратите оптимизмот е да се спротивставите на она што не ви се допаѓа. Ништо не може да ве расположи подобро од убедувањето дека човечката слабост е моментална.
Шкорпија (23.10 – 21.11)
Концентрирани сте на работата, сакате да решите прашања кои долго ве мачат. Оптимистички сте настроени, а тоа денес ви оди во прилог. Бидете толерантни и мирољубиви. Поминете повеќе време во домот. Ако имате миленик, вашите слободни попладневни часови посветете ги само за него.
Стрелец (22.11 – 21.12)
Ретко што може да го загрози вашиот оптимизам бидејќи уживате во животот сфаќајќи дека се состои и од позитивни и од негативни искуства. Освен тоа, длабоко се почитувате себе. Сепак имате и вие свои слаби точки, а тоа најчесто се љубовта или децата.
Јарец (22.12 – 20.01)
Престанете да се грижите околу тоа што мислат другите за вас. Иако вам ви е важно мислењето на блиските, сепак треба да бидете искрени кон себе и да сфатите дека не можат сите да ги прифатат вашите погледи на светот. Намалете го нивото на нервоза, обидете се правилно да ги разбирате работите.
Водолија (21.01 – 19.02)
Постојано наидувате на неочекувани ситуации. Потрудете се да бидете тактични. Не дозволувајте никој да влијае на вашиот живот. Итри сте и сакате лесно да стигнете до целта. Некој ќе ви застане на патот, не дозволувајте да ви ги попречи плановите. Партнерот сака да доминира, но не му го дозволувате тоа и стоите цврсто на земја.
Риби (20.02 – 20.03)
Вашиот оптимизам се заснова на силата на вашата добра волја и вербата во сопствените способности, таленти и знаење. Поседувате моќ да го маѓепсате спротивниот пол, поради што и самодовербата ви е на високо ниво. Вашата посесивна природа може да биде камен кој ќе ве сопне во однос на љубовта, семејството или пријателските односи, па дури и работните.
