Со одигрувањето на двата натпревара синоќа беа комплетирани првите натпревари од осминафиналето од Лигата на шампионите, а најубедливата победа и тоа како гостин ја постигна Реал Мадрид во Гелзенкирхен.
„Кралскиот клуб“ славеше со 6:1 против Шалке 04. Тројца играчи кај Реал постигнаа по два гола: Карим Бензема (13 и 57.минута), Герет Бејл (21 и 69) и Кристијано Роналдо (52 и 89). Почесниот гол за германската екипа го постигна Клас Јан Хунтелар (90+1).
Единствениот нерешен резултат од сите осум дуели се одигра во Истанбул меѓу Галатасарај и Челзи.
Гостите од Лондон поведоа преку Фернандо Торес во 9.минута, а изедначи Орелиан Шедју во 65.минута.
На другите натпревари беа постиганти следниве резултати: Манчестер Сити – Барселона 0:2, Баер Леверкузен – ПСЖ 0:4, Арсенал – Баерн 0:2, Милан – Атлетико Мадрид 0:1, Зенит – Борусија Дортмунд 2:4 и Олимпијакос – Манчестер Јунајтед 2:0. Реванш натпреварите се играат во термините 11, 12, 18 и 19.март.