Барселона може да се засили со двајца дефанзивци од шпанското првенство во летниот преоден рок. Тренерот на каталонците Херардо Мартино и неговиот тим продолжуваат внимателно да ги следат настапите на фудбалерите на Севиља и Виљареал, Федерико Фасио и Матео Мусакио.
Двајцата аргентински интернационалци дефинитивно оставија добар впечаток со нивните настапи во оваа сезона.
26-годишниот Фасио е висок 195 см , а од 2007-та година е дел од тимот на Севиља. Тој забележа 123 натпревари и 10 гола за овој период.
Фасио има договор со Севиља до летото 2018-та година, но клаузулата за негово ослободување е премногу мала, 10 милиони евра и нема да биде проблем да биде платена од Барселона.
Мусакио исто така има договор до 2018-та година со Виљареал. Претседателот на „жолтата подморница“, Фернандо Роиг, сепак најави дека е подготвен да ја разгледа секоја добра понуда која ќе пристигне за Аргентинецот.