Руски „AvtoVAZ“ прослави многу важен јубилеј. Имено, од производните ленти на компанијата слегоа 28 милиони примероци на брендот „Lada“, a честа да биде славенички автомобил ја имаше „Kalina“ во караванска верзија.
28-милионитата „Lada“ доаѓа со највисок пакет на опрема, автоматски пренос, инфо-забавен систем и клима, а на пазарот ќе се најде по цена од 474.600 рубљи, што е близу 10.000 евра.
Првиот модел во Тољати е произведен во 1969-та година, а денеска во фабриката на руската компанија се призведуваат вкупно 12 автомобили. Најприфатлив модел, финансиски гледно, е „Granta“, чија основна верзија чини 279.000 рубљи, односно околу 5.700 евра.
Меѓутоа, „AvtoVAZ“ за неколку дена ќе престане со производството на „Grantа“, „Kalinа“ и „Nivа 4×4“. Станува збор за редовен процес на оддржување, кој нема да се почувствува во производниот процес на „Ladа Largus“, „Priorа“ и „Nissan Almerа“.
Кон крајот на месецот започнува подготовката за производството на седанот „Datsun“, заснован на „Kalinа“, а се очекува да стартува во април. Во „AvtoVAZ“ истакнуваат дека цената на овој модел ќе изнесува 390.000 рубљи, односно 7760 евра, што би требало да ги „истурка“ почетните продажни резултати.