Француската компанија има намера до 2020-та година на пазарот да го понуди првото автономно возило, а веќе ја тестира потребната технологија на прототипот „Next Two“ кој е заснован на електричниот модел „Zoe“.
Исто како и другите производители на автомобили, „Renault“ верува дека иднината е во самоуправувачките автомобили. Па за таа цел е развиено возилото „Next Two“, кое е во состојба целосно автономно да се движи во сообраќај при брзина до 30 km/h.
Тоа му го овозможуваат бројните сензори и камери кои го следат движењето на другите учесници во сообраќајот и патот по кој возилото се движи. Така собраните информации стигнуваат до централната контролна единица која врз основа на овие податоци го контролира управувањето, забрзувањето и сопирањето.
Погледнете ја демострацијата од автономното возење на прототипот „Next Two“:
Технологијата го опфаќа и системот „Automated Valet Parking“ кој овозможува автомобилот по возењето сам да вози до местото предвидено за паркирање, како и да ве чека на локацијата каде што сакате да влезете во него.
Покрај технологијата за автономно возење која не бара интервенција од возачот, автомобилот овозможува 3G/4G/WiFi поврзаност и опремен навигациски систем кој во реално време ги пренесува информации за состојбата на патот по кое возилото се движи, како и евентуалните одложувања.
Прототипот „Next Two“ по пат на големиот централно поставен монитор и со помош на видео конференциска врска го претвора автомобилот во виртуелна канцеларија, со што се зголемува функционалноста на ова возило.
На тој начин самоуправувачките возила дополнително добиваат на значење затоа што времето кое возачот го поминува во него може да го искористи за извршување на некоја работа.
„Идеата беше не само да направиме автомобил кој може возачот и патниците безбедно да ги превезе, туку благодарејќи на тоа возачот да немора директно да се ангажира околу управуањето, па така да добие слобода да извршува некои други активности“, објаснува извршниот директор на „Renault“.
