Полицијата во Дубаи е побогата за уште еден скапоцен автомобил. По „Aventador“, „McLaren 12C“, „Ferrari FF“, „Aston Martin One-77“ и другите луксузни спортски возила, како шлаг на тортата дојде досега најпрестижниот модел – „Bugatti Veyron“.
Колекцијата скапоцени патролни автомобили со кои располагаат органите на редот и мирот во Дубаи го доби својот крал, а управата на полицијата во тој град не пропушти да се пофали со новото службено возило.
Досега во боите на полицијата во Дубаи се офарбани „Aston Martin One-77“, „Ferrari FF“, „Bentley Continental“, „Mercedes SLS AMG“, „Chevrolet Camaro“, „Lamborghini Aventador“, „McLaren 12C“, „Brabus B63S“, „BMW M6 Gran Coupe“, „Audi R8“, „Nissan GT-R“, „Mercedes SL 63 AMG“ и „Ford Mustang“.
Следниот логичен потег би можел да биде купување на некој од најновите генерации на супер-спортски автомобили, како „McLaren P1“, „Porsche 918 Spyder“ или „LaFerrari“.
