„Aston Martin“ соопшти дека ќе повлече дури 75 проценти од сите свои спортски автомобили кои се произведени од крајот на 2007-та година, откако откриле дека еден од нивните кинески партнери им доставувал лажни пластични педали за гас за луксузните автомобили.
Планирано е повлекување на вкупно 17.590 автомобили, меѓу кои се сите модели со волан на левата страна произведени од ноември 2007-та, како и сите модели со волан на десната страна кои од нивните фабрики излегле од мај 2012-та година.
Во соопштението е објавено дека со никој од овие модели не е предизвикан посериозен проблем.
Британски „Aston Martin“ откри дека за лажните пластични педали за гас е виновна „Shenzhen Kexiang Mould Tool Co. Ltd.“, компанија од Кина која ги користила деловите обезбедени во „Synthetic Plastic Raw Material Co. Ltd.“ компанија од Донгуанг.
