„Mercedes“ при презентацијата на интернет на новата „C сlasѕ“ во декември 2013-та, соопшти дека овој модел на самиот почеток на продажбата ќе биде достапен во три погонски единици. Во меѓувреме, германските медиуми успеаа да дојдат до податоци за комплетната палета на мотори на овој модел.
Од своето претставување, „Mercedes C сlasѕ“ е во фокусот на автомобилската јавност, а интересот за овој модел се зголеми благодарејќи на премиерата која ја имаше на авто-саемот во Детроит.
Меѓутоа најновите вести доаѓаат од оваа страна на Океанот, од Германија, каде блогот „Mercedes-Benz Passion“ ја објави листата на сите погонски единици кои ќе ја придвижуваат новата „C сlasѕ“.
Кога станува збор за бензинците, купувачите на располагање ќе ги имаат следниве мотори:
C 180, 1.6-литарски, 115kw, 280Nm, 5 l/100,
C 200, 2.0-литарски, 135kw, 320Nm, 5.3l/100,
C 200 4MATIC, 2.0-литарски, 135kw, 300Nm, 6.4l/100,
C 250, 2.0-литарски, 155kw, 350Nm, 5.6l/100,
C 300, 2.0-литарски, 175kw, 370Nm, 6.3l/100,
C 350 PLUG-IN HYBRID ( 50kW електромотор) доаѓа во 2015-та, 2.о-литарски, 155kw, 350Nm, 3l/100
C 400 4MATIC (6-цилиндри), 3.0-литарски, 245kw, 480Nm, 7.8l/100,
Што се однесува до дизелашите во понудата ќе се најдат следниве мотори:
C 180 BlueTEC, 1.6-литарски, 85kw, 250Nm, 3.8l/100,
C 200 BlueTEC, 1.6-литарски, 100kw, 300Nm, 3.8l/100,
C 220 BlueTEC, 2.2-литарски, 125kw,400Nm, 4.0l/100,
C 220 BlueTEC 4MATIC, 2.2-литарски, 125kw, 400Nm,4.9l/100
C 250 BlueTEC, 2.2-литарски, 150kw, 500Nm, 4.4l/100
C 250 BlueTEC 4MATIC, 2.2-литарски, 150 kw, 500Nm, 4.9l/100,
C 300 BlueTEC HYBRID (20 kW електромотор), 2.2-литарски, 150kw, 500Nm, 3.8l/100
Сите модели ќе бидат достапни до крајот на 2014-та година, само C 350 PLUG-IN HYBRID кој ќе биде лансиран во 2015-та година.
„Mercedes“ покрај стандардните верзии ќе го понуди и моделот „C63 AMG“ кој под хаубата ќе има нов 4.0-литарски „bi-turbo“ V8. Се проценува дека неговата снага ќе изнесува помеѓу 450 и 500 ks.
