Швајцарскиот фармацевтски гигант Новартис, планира во тековната година да затвори 500 работни места.
Новартис, првенствено ќе дели откази во помошните сектори чија специјалност е поддршка на главниот сектор – фармацијата.
Како што е соопштено од страна на швајцарскиот весник 20 Minit, оваа компанија со седиште во Базел, не ги исклучува принудните заминувања, а истовремено предвидува создавање на стотици работни места во фармацевтскиот сегмент, особено во областа на онкологијата. Предвиден е развој во делот на дополнителните медицински препарати, особено течните лекови како што се сирупите за кашлица и настинка.
На тој начин, бројот на вработени во 2014 година би требало да остане стабилен на околу 15.000.