„Intel“ објави дека ќе затвори над 5 000 работни места како дел од обидите на компанијата да се опорави од смалувањето на продажба на персонални компјутери.
Бројот на работните места, кои компанијата ќе ги затвори во 2014-та година сочинуваат 5 проценти од речиси 108.000-те вработени кои „Intel“ ги имаше на крајот на декември. Соопштението на „Intel“ доаѓа еден ден откако компанијата ги објави тримесечните финансиски резултати, кои беа полоши од очекуваните.
Компанијата исто така најави дека очекува послаби резултати и во првиот квартал. Вчера акциите на „Intel“ поевтинија за 2,6 проценти или 25.85 долари за акција.
