Нето профитот на најголемиот емитер на пластични платежни картички „American Express“ во четвртиот квартал минатата година е повеќе од двојно зголемен.
Вкупната добивка достигна 1,3 милијарди долари или 1,12 долари по акција, во однос на 637 милиони долари, односно 0,56 долари по акција во истиот период во претходната година, пренесува агенцијата АП.
Приходите на компанијата во последниот квартал од 2013 година се зголемени за пет проценти, во споредба со истиот период во 2012 година и достигнаа вредност од 8,55 милијарди долари.
Постигнатите резултати се поклопија со просечната прогноза на аналитичарите, наведува агенцијата АП.
