Фудбалската федерација на Македонија синоќа на пригодна свеченост ги доделни наградите за најдобрите во 2013 година.
Долгогодишниот репрезентативец и капитен на германскиот Мајнц, Николче Новески ја доби наградата за најдобар фудбалер на Македонија за 2013 година, додека во конкуренција на играчи од домашното првенство награден е фудбалерот на Хоризонт Турново, Дејан Блажевски.
Шампионската титула на стратегот на Вардар, Благоја Милевски му донесе признание.
Наградата фер-плеј ја доби ФК Работнички, а претсеателот на овој клуб Драган Поповски е прогласен за спортски работник во 2013 година.
Головите постигнати во претходното првенствово дресот на Вардар, на интернационалецот Јован Костовски му ја донесоа наградата најдобар стрелец.
За најмлад фудбалер е прогласен Марјан Радески од ФК Металург, а најдобра младинска екипа е ФК Металург.
Најдобар тренер во младински категории е Александар Васовски, а најдобар стрелец кај младинците – Мартин Христов од Македонија ЃП.
Наташа Андонова е најдобрата во конкуренција на фудбалерките, а Елена Јаковска е најдобриот стрелец во женскиот фудбал.
Најдобар тренер во женска конкуренција е Астрид Мерко.
Во футсал најдобар играч на Македонија за 2013 година е Драган Петровиќ (Скопје 2011), а тренер Зоран Лекиќ (КМФ Скопје).
Димитар Мечкаровски е прогласен за најдобар фудбалски судија за 2013 година, а награда за животно дело му припадна на екс селекторот на Македонија, предводникот на првиот натпревар на Македонија против Словенија, Андон Дончевски.