Во англиската Премиер лига играат некои од најдобро платените фудбалери во светот. Кои се сепак најдобро платените фудбалери на Островот со британско потекло?
Кои се најбогатите британски фудбалери?
Вејн Руни, 28- годишниот напаѓач на Манчестер Јунајтед ја предводи листата, според весникот „Wealth –X“. Неговата нето-состојба се пресметува на 45 милиони фунти (73.8 милиони долари). Неделната плата на Руни е околу 250.000 фунти (410.000 долари), пред даноци и такси, согласно со неговиот постоечки договор. Голем дел од финансиите на Руни, сепак доаѓаат од рекламните договори со компании, како „Nike“ и издавачот на книги „HarperCollins“.
Во листата на најбогати британски фудбалери влегуваат уште тројца играчи на „црвените ѓаволи“ – Рио Фердинанд, Мајкл Карик и Ешли Јанг. Вкупното богатство на четворицата членови на актуелниот шампион на Англија е 111 милиони фунти (182 милиони долари).
Играчи на Челзи исто така се наоѓаат во топ 5 листата на најбогати британски фудбалери. Богатството на 35-годишниот Лампард се проценува на 31 милиони фунти (50 милиони долари), со што тој се најде на третото место, додека 33-годишниот Џон Тери е четврти со богатство во износ од 29 милиони фунти (47,5 милиони долари). Капитенот на Ливерпул, 33-годишниот Стивен Џерард, е на петтото место во рангирањето со состојбата во износ од 29 милиони фунти.
По Џерард се рангираат 32-годишниот Џо Кол од Вест Хем и дефанзивецот на Челзи, Ешли Кол. Играчот на Манчестер Сити, Џејмс Милнер е најмладиот фудбалер во топ 10 со своите 27 години.
Вкупното богатство на 10 – те најбогати британски фудбалери изнесува 255 милиони фунти (418 милиони долари).