Од „Bugatti“ соопштија дека од планираните 450 примероци на моделот „Veyron“, досега 400 возила ги пронајдоа своите нови сопственици.
Од кога во 2005-та беше претставен моделот „Veyron“, „Bugatti“ продаде 300 примероци од различини купе верзии на овој автомобил и 100 од предвидените 150 возила со отворен покрив. Тоа значи дека на потенцијалните купувачи на располагање им останале само уште 50 примероци од „Roadster“ верзијата.
Јубилејното 400-то возило кој го доби својот сопственик е „Veyron Grand Sport Vitesse ‘Legend Jean-Pierre Wimille Edition“. Станува збор за еден од само трите произведени примероци од оваа специјална серија, а ќе биде испорачан на купувач од Блискиот Исток, кој за овој автомобил бил подготвен да плати 2.13 милиони евра.
Автомобилот е обоен во две нијанси на сина боја, а го придвижува познатиот W16 мотор со 1.200 ks (882 kW) и 1.500 Nm максимален вртежен момент. Овој „Veyron“ до „стотка“ доаѓа за 2.6 секунди, а максималната брзина изнесува 408 km/h.