Компанијата „Delta Wing Technologies“, позната по учеството на трките за издржливост, одлучи да го тужи јапонски „Nisѕan“ поради неодамна претставениот проект „BladeGlider“, но и за „ZEOD RC“ тркачкиот модел, за кои сметаат дека директно потекнуваат од возилата „DeltaWing“ и претставуваат еден вид интелекутална „кражба“.
Имено, „DeltaWing“ се одлучи за настап на „Le Mans“, а во меѓувреме во целата приказна „влезе“ и „Nisѕan“ како снабдувач за мотори за овој контроверзен проект.
Неодамна „Nisѕan“ одлучи да се повлече од се, а само пред една недела во Токио за прв пат јавно претстави два свои концепти – тркачкиот „ZEOD RC“, кој многу наликува на поректот на „DeltaWing“, како и патничката верзија под името „BladeGlider“.
Поради тоа „Delta Wing Technologies“ покрена тужба поради наводна кражба на интелектуалната сопственост, но не само против „Nisѕan“, туку и против одредени лица вработени во оваа јапонска компанија.
Пред се, обвинет е шефот на мотоспорт одделението, Дарен Кокс, како и Бен Бовлби, еден од главните инженери, кој во „Nisѕan“ премина од „Delta Wing Technologies“, a бил ангажиран како лидер на тимот за споменатиот „DeltaWing“ проект.