Независниот дизајнер Анџело Граната преку компјутерски 3D модел го оживеа легендарниот спортски автомобил – „Lancia Delta HF Integrale“. Концептот покрај модернизираниот изглед го задржа препознатливиот визуелен идентитет на оргиналниот модел.
Носталгијата која е присутна кај љубителите на автомобили е нешто на што производителите сметаат кога ќе немаат инспирација или кога сакаат повторно да заработат на веќе експлоатираната дизајнерска идеа.
Така настанаа, модерната „буба“, „MINI“, „FIAT 500“, но и многу други современи модели со ретро изглед.
Актуелното семејство на модели на производителот „Lancia“ е далеку од она што сонуваат најголемите фанови на овој бренд. За многу од нив, моделот „Delta Integrale“ претставуваше срце и душа на италијанската автомобилска марка.
Анџело Граната се обиде тој сон за момент да го направи реалност, барем преку компјутерските цртежи.
Според неговата идеа, новата „Lancia Delta Concept“ би имала и одговарачки погонски агрегат позајмен од актуелната гама на групацијата „FIAT“. Станува збор за 1.75 литарскиот турбо-бензинец со 240 ks кој го користи моделот „Alfa Romeo 4C“.
Моторот би бил поврзан со шестбрзински мануелен менувач, а снагата би се пренесувала на сите 4 тркала.
Граната отиде и чекор понатаму во соништата, па претпоставува дека таквиот мотор би и овозможило на „Lacia Delta Concept“ oд 0 дo 100 km/h да забрзува за 6,2 s, пред да ја достигне максималната брзина од 242 km/h. Цената пак, повторно според дизајнерот, би изнесувала околу 32.000 евра.
Како ви се допаѓа неговата „Lancia Delta Concept“?