Словенечкиот национален оператор Телеком Словенија во првите девет месеци од оваа година оствари 599.1 милиони евра во оперативните приходи и 46.3 милиони евра во нето добивка, што е за 7 отсто повеќе од истиот период во минатата година. Ова го покажува неревидираниот финансиски извештај кој денеска беше објавен на интернет страната на Љубљанската берза.
Оперативниот профит од 63.4 милиони евра е за два отсто понизок отколку во првите три квартали од минатата година и тоа поради пониските приходи од продажбата на фиксната телефонија.
„EBITDA“ изнесуваше 188.7 милиони евра или 5 отсто помалку од истиот период минатата година. Во исто време , нето финансискиот долг на Телеком Словенија достигна 370.4 милиони евра, што претставува зголемување од седум проценти во однос на резултатот од минатата година.
Компанијата забележа раст на бројот на конекции и бројот на фиксни интернет конекции во првите девет месеци и тоа за 2 отсто во споредба со истиот период минатата година, а бројот на корисници на мобилните телефон за 7 проценти, а бројот на телевизиски приклучоци за 12 проценти.
Во компанијата за оваа година очекуваат дека ќе постигнат 50 милиони нето добивка, додека „EBITDA“ ќе изнесува до 245 милиони евра.
