Канадскиот „BlackBerry“ прогнозира пад на приходите за фискалната 2026-та година бидејќи очекува послаби трошоци за своите производи за сајбер безбедност.
„BlackBerry“, некогаш доминантна сила на пазарот на паметни телефони, се сврте кон продажба на софтвер за уреди и автономни возила.
Но, во моментов, компаниите ги намалуваат трошоците за технологија и ги рационализираат буџетите, што влијае на компаниите како BlackBerry“.
Компанијата предвидува приходи меѓу 504 и 534 милиони долари за фискалната година која завршува во февруари следната година. Тоа е помалку од сумата од 534,9 милион долари, кој го пријави за фискалната 2025-та година.
„BlackBerry“ очекува својата единица за сајбер безбедност, која обезбедува паметен безбедносен софтвер за бизнисите и владите, да пријави годишен приход од 230 до 240 милиони долари, што е под сумата од 272,6 милиони долари за претходната финансиска година.
Компанијата објави 141,7 милиони долари приход за четвртиот квартал. За споредба, една година претходно објави 152,9 милиони долари.
„BlackBerry“ вели дека ја завршил продажбата на бизнисот „Cylance“, кој користи машинско учење за да спречи прекршување на безбедноста. Купувачот е „Arctic Wolf“, а трансакцијата е вредна 160 милиони долари.
Канадската компанија го продаде тој бизнис за да го префрли својот фокус на области со висок раст. Предметната единица бара значителни инвестиции и бизнисот се соочи со силна конкуренција
