Според сигурни извори, „Huawei“ на крајот на март планира да претстави нов телефон на преклопување со сосема поинаков дизајн од традиционалните смартфони.
Се очекуваат значителни промени во распоредот на физичките копчиња и генерално поиновативен пристап во дизајнот.
Претходно, Ричард Ју, извршен директор на „Huawei“, се огласи на социјалните мрежи за да навести нов уред специјално дизајниран за HarmonyOS. Според достапните информации, овој модел ќе има внатрешен екран со сооднос од 3:2, со димензии 6,3 инчи во дијагонала, додека надворешниот екран ќе биде во форма на квадрат и 3,5 инчи. Дизајнерскиот концепт наликува на помалиот „iPad Mini“ на преклоп, што носи нов начин на користење на паметни телефони.
Исто така, извештаите покажуваат дека големите технолошки компании веќе го оптимизирале софтверот за овој уред, овозможувајќи беспрекорно корисничко искуство на двата екрани. Со ова иновативно решение, „Huawei“ има потенцијал да ја редефинира категоријата на преклопен телефон и дополнително да го унапреди својот екосистем HarmonyOS. Останува само да почекаме неколку недели и да видиме што подготви „Huawei“, пренесува „InnoGyan“.
