Храната што ја консумираме речиси секој ден може негативно да влијае на нашите когнитивни способности. Студијата, претставена на Меѓународната конференција на Здружението за Алцхајмеровата болест во Сан Диего во 2022 година, покажа дека тоа се случува ако повеќе од 20 проценти од дневните калории доаѓаат од ултра-преработената храна.
Во ова истражување учествувале дури 10.000 луѓе, а резултатите биле изненадувачки. Мажите и жените кои јаделе најголеми количини на преработена храна имале 28 проценти побрзо глобално когнитивно опаѓање и 25 проценти побрзо опаѓање на извршните функции.
Еден од авторите на студијата, д-р Клаудија Суемото, истакна дека преработената храна сочинува од 25 до 30 проценти од калориите во просечната исхрана.
Имаме брза храна, јадеме многу чоколадо и бел леб“, рекол докторот.
Во споредба со преработената храна, односно храната која содржи шеќер, сол, масло или други минимални преработувачки состојки, како што се конзервирана туна или зеленчук, ултра-преработената храна се создава со екстракција на супстанции.
Тие доаѓаат од масти, скроб и додадени шеќери, а освен тоа содржат и вештачки бои и адитиви. Ако се прашувате што точно има ултра-преработена храна во вашиот дом, тогаш треба да знаете дека тоа се храна која најчесто се наоѓа на вашите полици, како колачиња и солени грицки.
Студијата објавена во The Journals of Gerontology заклучи дека потрошувачката на ултра-преработено месо и масла или намази е поврзана со когнитивно намалување кај постарите возрасни лица со дијабетес тип 2.
Мозокот не е единствениот дел од телото погоден од овој вид на храна. Истражувањата покажуваат дека високиот внес на калории на ултра-преработена храна доведува до зголемен ризик од кардиоваскуларни и коронарни срцеви заболувања, цереброваскуларни заболувања, дијабетес тип 2, што исто така го зголемува ризикот од смрт.
