Швајцарската фармацевтска компанија „Novartis“ има намера да затвори 440 работни места во Велика Британија, а оваа мерка ќе го погоди истражувачкиот центар во Хоршам, како и секторот за маркетинг и продажба во Фрајмлеј.
Швајцарскиот фармацевтски гигант ги потврди информациите кои ги објави порталот „FierceBiotech“ за намерата за намалување на активностите во Велика Британија и затворањето на 440 од 950 работни места во филијалите во Хоршам и Фрајмлеј, согласно со најавите во март 2011 година, пренесува агенцијата АФП.
„Novartis“ во Велика Британија вработува околу 3.000 лица, а 128.000 лица во целиот свет, односно во 140 земји.
