Neuralink успешно го вгради својот чип за поврзување мозок и компјутер кај трет пациент, откри основачот на компанијата Илон Маск во разговор емитуван на платформата X.
Како што истакна, сите три импланти работат добро, а планот е до крајот на годината да се постават уште 20 до 30 импланти.
За потсетување, ова е експериментален имплант кој овозможува мозокот да се поврзе со компјутерски интерфејс, со што им овозможува на неподвижните или лицата со посебни потреби да користат компјутери. Првиот пациент кој доби имплант Neuralink пред една година беше Ноланд Арбагух.
Во моментов, Neuralink спроведува две студии за своите уреди. Според Администрацијата за храна и лекови (ФДА), Prime Study треба да се спроведе на пет пациенти и се тестира дали е можно парализираните пациенти да контролираат надворешни уреди како компјутери или паметни телефони со својот ум. Втората студија, Convoy, е наменета за тројца пациенти и им овозможува да контролираат уреди како што се помошни роботски раце.
Покрај тоа, Neuralink доби одобрение од канадскиот регулатор кон крајот на ноември 2024 година да спроведе клиничка студија во Канада и ги покани сите заинтересирани квадриплегичари да се регистрираат во нивниот регистар и да проверат дали се соодветни кандидати за учество во студијата.
