Што би му кажале на некој што ќе ви побара 175.000 евра за „BMW X1“? Токму таква е секојдневната ситуација во оваа држава.
Тоа е Сингапур, каде што цените на автомобилите се толку скапи што ги купуваат само богатите.
„BMW“ е наведен само како пример, бидејќи во Европа чини околу 45.000 евра, но сите други марки имаат луди цени. На пример, „Toyota Corolla“ чини 118.000 евра, а за „Volkswagen Golf“ купувачите мора да се издвојат најмалку 129.000 евра.
Зошто новите автомобили се толку скапи во Сингапур? Причината се властите, односно огромните даноци за автомобилите.
Во оваа земја живеат околу 5,7 милиони луѓе, а со густина на населеност од 7.867 жители на квадратен километар, Сингапур е на второто место во светот.
Јасно е дека оваа концентрација на население би значела хаос на патиштата, па Сингапур се обидува драстично да го ограничи бројот на автомобили на патиштата со помош на високите цени.
Бидејќи новите автомобили се многу скапи, астрономски се и цените на половните автомобили – на пример, за мало возило стар десет години, сепак треба да се издвојат околу 20.000 евра.
Цените не се единствениот начин на кој Сингапур се бори со премногу автомобили. Како дел од рестриктивната политика, сопственоста на автомобил во Сингапур е предмет на строги прописи и секој потенцијален купувач на автомобил мора прво да поднесе барање за потврда за сопственост.
Државата редовно одлучува за доделување лиценци кои можат да се купат на аукција, но по десет години повторно истекуваат. Само за ваква дозвола жителите на Сингапур моментално треба да платат околу 66.000 евра!
