Изборот на темно чоколадо наместо млечно чоколадо може да понуди повеќе од промена во вкусот – исто така може да го намали ризикот од дијабетес тип 2. Студијата на Школата за јавно здравје Chan на Универзитетот Харвард ја следеше исхраната и здравјето на 111.654 медицински сестри во текот на една деценија. Нејзините резултати открија дека јадењето пет или повеќе порции темно чоколадо неделно е поврзано со 21 отсто помал ризик од развој на дијабетес тип 2.
Зголеменото консумирање темно, но не и млечно чоколадо е поврзано со помал ризик од дијабетес тип 2, истакнаа авторите на споменатата студија, објавена во списанието BMJ. Спротивно на тоа, внесот на млечно чоколадо беше поврзан со зголемување на телесната тежина и не покажа слични придобивки.
Студијата ги исклучи учесниците со екстремен внес на калории и ги зема предвид факторите на начинот на живот и исхраната. Иако таа идентификуваше силна поврзаност на намален ризик од дијабетес тип 2 со темно чоколадо, таа не утврди каузалност.
Внесувањето млеко и бело чоколадо може да не доведе до исти метаболички здравствени придобивки поради повисокиот процент на додаден шеќер, воспоставен диететски фактор на ризик за кардиометаболни заболувања, истакнуваат авторите на студијата.
