И покрај сите технички достигнувања и промени од пронајдокот на автомобилот, остана една константа: автомобилските пневматици се црни. Но, зошто е тоа така?
Одговорот е во производството: автомобилските гуми се црни бидејќи на нив се додава саѓи, објасни реномираната германска организација за технички преглед TUV Nord.
Главната состојка е гума, млечен сок од растенија каучук. Меѓутоа, бидејќи гумата е мека и леплива, во неа се додаваат многу други материи како масло и текстил за да и ги дадат посакуваните својства. Магазинот Fenix наведува дека саѓите се особено важни, бидејќи ја прави гумата поотпорна на абење.
Чарлс Гудјиар го развил процесот на производство на гуми
Процесот на производство на гуми беше развиен од Чарлс Гудјиар во 1839 година и се покажа успешен до ден-денес. Иако имаше бели гуми кои беа популарни меѓу љубителите на стари автомобили, тие имаа и црни шари.
На светлите гуми тешко би се позиционирале на пазарот бидејќи брзо би станале грозни поради нечистотијата на улиците и патеките.
Производството на автомобилски гуми во боја технички е можно, но допрва треба да се случи голем продор надвор од одреден круг.
Од друга страна, повеќето автомобилски гуми се сè уште црни, не само поради нивната функционална естетика. Црната боја симболизира доверливост и долговечност.
