Експертите од британското здружение специјализирано за проблеми со спиењето, British Sleep Society, побараа да се укине поместувањето на часовниците двапати годишно, односно летното сметање на времето.
Ова барање произлезе од негативните ефекти што менувањето на часовникот ги има врз квалитетот на сонот и здравјето воопшто, а оваа дискусија се вкорени и во другите европски земји.
Според авторите на трудот објавен во Journal of Sleep Research, зимското сметање на времето треба да се користи во текот на целата година, кое ќе стапи на сила следниот викенд и ќе остане активно до пролет.
Станувате навистина рано? Еве какви ефекти има врз мозокот. Кога се менува часовникот? Наскоро ќе се префрлиме на зимско сметање на времето.
Научниците објаснуваат дека присуството на сончева светлина наутро е од клучно значење за здравјето, додека летното сметање на времето во текот на летото ги принудува луѓето да се разбудат додека се уште е темно.
„Пресметување на летното сметање на времето во зима има негативни ефекти врз здравјето на луѓето“, се наведува во истражувањето и се додава:
„Поместувањето на часовникот на пролет има најмногу негативно влијание врз деноноќниот ритам. Поточно, на физичките, психолошките и промените во однесувањето кои ги доживуваме за 24 часа“, пренесува Мирор.
Но, треба да се истакне дека ова истражување се однесува на Велика Британија, која нема толку сончеви часови како Македонија или другите медитерански земји, поради што е нагласена потребата секоја земја да донесе своја одлука и да се држи до неа. Важно е, нагласуваат научниците, да престане да се движи часовникот двапати годишно.
