Цената на нафтата падна за 25% од минатата година, а според сите сметки производството треба да почне да се намалува. За жал на ОПЕК +, сепак, нема знаци дека американските компании во секторот на шкрилци ќе го прекинат производството токму во најкритичниот период – почетокот на 2025-та година, па дури и ќе почнат да ги зголемуваат количините, пишува Хавиер Блас во коментар за „Bloomberg“.
Тоа значи дека прекумерното снабдување на пазарот ќе остане на почетокот на 2025-та година, а во отсуство на други фактори, цената на нафтата ќе остане ниска, истакнува и аналитичарот.
Производството во Пермскиот Залив, еден од најбогатите региони со нафта во САД, е поврзано со природниот гас, рече тој, истакнувајќи дека компаниите заедно со нафтата пумпаат и природен гас. Таканаречениот „поврзан гас“ е зголемен три пати од 2018-та година и ја надминува локалната побарувачка и капацитетот на гасоводите.
Како резултат на тоа, цените на бензинот се негативни 49 отсто од деновите од почетокот на годината и речиси секој ден од 26-ти јули, според податоците на „Natural Gas Intelligence“. Поради оваа причина, компаниите плаќаат рекордни суми за да се ослободат од гасот, а поради тоа многу од нив ја намалуваат работата на бунарите со кои работат.
Но, сето тоа ќе се промени бидејќи гасоводот Матерхорн, кој минува од полињата во Пермскиот басен во близина на Хјустон до терминалите во Мексиканскиот Залив, ќе почне да работи за неколку недели. Тој е со капацитет што ќе овозможи „врзаниот гас“ да се испумпува и да ги зголеми цените. Дополнително, во 2026-та година и во 2027-ма година ќе влезат во употреба уште два гасоводи, истакнува и Блас.
Клучот лежи во гасоводот Матерхорн, кој сега ќе биде во функција, смета експертот. Причината е што ќе ја зголеми цената на природниот гас, а тоа ќе ги поттикне компаниите да продолжат со производство на нафта од шкрилци, како и да развијат нови наоѓалишта. Многу е веројатно дека ова ќе се види веќе во четвртиот квартал од 2024 година и ефективно ќе влијае на пазарот во првиот квартал од 2025-та година. Односно, токму во критичниот момент за ОПЕК+.
Колку ќе биде одржлив овој раст и колкави ќе бидат количините на извлечена нафта сѐ уште не е јасно. Сепак, звучи логично производството да се зголеми од пријавените 20,2 милиони барели дневно во јули на 20,5 милиони барели дневно на крајот на годината. Тоа значи 400.000 – 500.000 барели дневно повеќе во споредба со декември 2023-та година, пишува и аналитичарот.
Зголемувањето на активноста во Пермскиот басен брзо ќе ја спушти цената на американската нафта под 70 долари за барел, категоричен е Хавиер Блас.
