Легендарна британска марка претстави спортски автомобил со три седишта со максимална брзина од 320 километри на час. Големата вест доаѓа само една недела откако фановите беа задевани со тешко разбирлива слика на само задниот спојлер.
„Lotus“ треба да го лансира својот прв целосно електричен спортски автомобил следната година, а овој концепт со агресивен изглед е дел од планот. Познат како „Theory 1“, овој прекрасен „ѕвер“ се одликува со чудна конфигурација со три седишта, 986 ks и електричен погон на четири тркала кој ја црпи енергијата од батерија од 70 kWh.
„Lotus“, исто така, се колне дека новиот автомобил ќе забрза до 100 km за помалку од 2,5 секунди. Најзабележителна од сè е тежината на „Theory 1“, која е направена од карбон и ќе биде под 1.600 килограми – сосема малку за електричен автомобил.
Обожавателите на „Lotus“ ќе забележат дека концептот „Theory 1“ може да се пофали со суптилни дизајнерски поздрави на нивниот иконски „Esprit“ – автомобилот кој стана познат по појавувањето во филмот за Џејмс Бонд од 1977-ма година.
Внатре, возачот седи централно со патнички седишта од двете страни и малку наназад – слично како легендарниот „McLarenF1“ дизајниран од Гордон Мареј од 1990-тите.
Бен Пејн, потпретседател за дизајн на „Lotus Group“, рече дека распоредот на седиштата значи дека болидот е „најблиску до возење болид од Формула 1. Ако конфигурацијата е чудна, самите седишта изгледаат туѓо. Дизајнирани да бидат целосно современи, тие имаат потпирачи за глава кои вклучуваат индивидуални звучници со технологија за активно поништување на шумот. Ова им овозможува на секој од тројцата патници да слуша медиуми поединечно – без другите да слушаат.
„Lotus“ исто така го искористи „Theory 1“ за да покаже други генијални иновации, вклучително и „Lotuswear“ – систем на роботика обложена со текстил што му дава „повратна информација“ на возачот преку седиштето и воланот. Работи со користење на мали капсули на надувување кои можат да испраќаат сигнали до возачот за свиоците. Друга карактеристика е „steer-by-wire“, за која „Lotus“ вели дека им овозможува на возачите да го прилагодат чувството и одговорот на управувањето.
На многу начини, „Theory 1“ се чини дека служи како преглед на претстојниот целосно електричен спортски автомобил на марката, кој треба да биде лансиран следната година. Познат како „Тип 135“, малку се знае за автомобилот освен дека неговата цена може да биде околу 75.000 фунти (88.000 евра). Многумина го сметаат за наследник на саканата „Elise“.
