Алкохолот не ги погодува сите луѓе подеднакво, а неговото влијание зависи од телесната тежина, зачестеноста на консумирање алкохол, полот, последниот оброк.
Телото може да обработи еден пијалок на час. Потребни се само неколку минути по пиењето пијалок за да почне да расте концентрацијата на алкохол во крвта.
Околу 20 отсто од етанолот се апсорбира во крвотокот директно од желудникот, а останатите 80 отсто се вари и преминува во крвотокот од тенкото црево. Затоа никогаш не се препорачува консумирање алкохол на празен стомак. Ако има храна во желудникот, алкохолот ќе се апсорбира побавно и ќе достигне помала концентрација во крвта.
Во телото, етанолот се складира во ткива богати со вода, како што се мускулите. Поради оваа причина алкохолот побрзо делува на жените бидејќи имаат помалку мускулно ткиво.
Погледнете што му прави на организмот зголемениот алкохол во крвта:
0,3 промили
Крвните садови се шират и лицето почнува да чувствува топлина. Во исто време, расположението исто така се подобрува бидејќи мозокот почнува да ослободува серотонин и ендорфин.
0,5 промили
Лицето е законски неспособно за возење. Порасположени сте и повесели, претпазливоста е помала, емоциите се поголеми, а однесувањето може да биде претерано. Станувате помалку претпазливи и ве обзема благо чувство на веселост и еуфорија.
1,2 промили
Менталните способности и координацијата се намалени. Јазикот почнува да станува нејасен, а лицето тешко се сеќава на зборовите што сака да ги каже.
Преоптоварувањето на црниот дроб неколку часа може да стимулира акумулација на масното ткиво, а постојаното оптоварување генерално го оштетува црниот дроб.
Два промила
Човек со толку алкохол во крвта е многу опиен и губи поголем дел од моторните и менталните функции. Исто така, тој станува сексуално онеспособен бидејќи алкохолот го нарушува функционирањето на невротрансмитерите во мозокот.
Три промили
Централниот нервен систем станува депресивен, лицето е забавено и лесно може да се онесвести. Поголема количина на алкохол во крвта од три промили создава опасност од труење со алкохол.
Возење во алкохолизирана состојба никому не се препорачува, бидејќи го загрозувате својот живот и животот на другите.
