Познато е дека целерот е многу здрав зеленчук, а смутито со целер станува сè попопуларнo.
Се препорачува да се купи целер со најдолго стебленце бидејќи е најздравиот дел од растението и од него можете да направите одлично смути со блендер заедно со некои други додатоци.
Целерот е богат со различни здрави материи, а еве зошто треба да го внесете целерот во вашата секојдневна исхрана:
1. Извор на антиоксиданси
Покрај витамин Ц, едно стебленце целер содржи и каротин и 12 видови на антиоксидантни хранливи материи. Целерот е одличен извор на фитонутриенти кои помагаат во варењето. Антиоксидансите ги штитат клетките, крвните садови и органите од оксидативен стрес.
2. Го намалува воспалението
Семките од целер и целер имаат 25 антиинфламаторни соединенија кои помагаат во заштитата од воспаленија во телото.
3. Го поддржува варењето
Посебно е добар за желудникот и варењето. Докажано е дека полисахаридите во целерот ја намалуваат појавата на чир на желудникот, ја подобруваат слузницата на желудникот и го регулираат лачењето на киселина.
4. Богат е со витамини и минерали
Витамините како А, К и Ц може да се најдат во целерот заедно со минералите како што се калиум и фолна киселина. Има ниска содржина на натриум и низок гликемиски индекс, што значи дека има бавен и стабилен ефект врз шеќерот во крвта.
5. Има алкализирачко дејство
Минералите како магнезиум, железо и натриум се неопходни за основните функции на телото. Поради овие минерали, целерот има неутрализирачко дејство врз киселата храна.
