„Apple“ сè уште нема издадено телефон на преклопување, фокусирајќи се на квалитетот наместо да брза да го добие првиот „iPhone“ со преклопен екран на овој дел од пазарот што е можно поскоро.
Неофицијалните информации сугерираат дека „Apple“ развива телефон на преклопување – „iPhone Flip“, кој би можел да биде лансиран веќе во 2026-та година со цена меѓу 1.200 и 2.000 долари.
„Apple“ никогаш не се обидел да биде прв на пазарот со своите производи. Квалитетот секогаш им е најважен. Тие повеќе би сакале да бидат последни на пазарот со најдобриот производ, па затоа чекаат толку долго со телефонот „iPhone Flip“.
Она што го знаеме досега и гласини
Според досега објавените информации за патентните апликации, примероците за виткање стакло, навестувањата за компатибилноста на „Apple Pencil“ и повеќе, гласините за „iPhone Flip“ варираат во зависност од изворот. Сепак, сето тоа укажува дека „Apple“ работи на тоа да ја направи својата верзија на телефон на преклоп не само најдобра на пазарот, туку и да постави нови стандарди во дизајнот, издржливоста и квалитетот.
Во февруари 2019-та година, „Apple“ поднесе патенти до Канцеларијата за патенти и трговски марки на САД кои покажаа различни решенија и дизајни за преклоплив телефон. Некои вклучуваа големи внатрешни екрани со преклопни шарки, додека еден имаше две шарки, три екрани и Z-преклоп.
Исто така, во март 2020-та година, беше откриен патент кој сугерира дека „Apple“ размислува за свитлив уред со два екрани, разделени со една шарка. Овој патент, исто така, споменува „кооперативен режим“ кој овозможува поврзување на еден екран со секундарен екран со помош на магнетен механизам.
Еден од најголемите предизвици за „Apple“ е видливиот набор на дисплејот на свитливиот уред. Apple истражува начини да го отстрани целосно. Комбинацијата од стакло и пластика што ја користи „Samsung“ за моделите „Z Fold“ и „Z Flip“ покажува видлива бразда при расклопување, а „Apple“ веројатно не е убеден дека тоа може да го постигне со нивна помош. Извештајот од мај 2024-та година сугерираше дека „Apple“ потпишал договор со одделот „Samsung Display“ за изградба на преклоплив уред.
„Corning“, добавувачот на стакло на „Apple“, ќе мора да создаде свитлива верзија на екранот „Ceramic Shield“ за „Apple“ да го постигне она што го сака. Во мај 2024-та година, „Design Boom“ објави дека „Apple“ поднел патент за свитлив уред со екран што се поправа самостојно, дизајниран да поправа сам ситни вдлабнатини и гребнатини без помош од корисникот.
Карактеристики и спецификации
Еден неодамна освоен патент од „Apple“ детализира механизам за самоодржување, кој овозможува шарката да се затвори за време на пад, со што го штити екранот од оштетување. „Apple“ исто така ги разгледува плановите да користи екран со е-мастило во боја на надворешната страна на уредот, што значително би го продолжило траењето на батеријата. Што се однесува до спецификациите, треба да очекуваме поддршка за 5G, долготрајна батерија и процесори со високи перформанси.
„Apple“ активно развива ваков „iPhone“, кој би можел да дебитира веќе во 2026-та година. Овој модел се очекува да има хоризонтално превиткување, слично на телефоните „Samsung Galaxy Z Flip“. Цената ќе зависи од дизајнот и употребените материјали и технологија, но се предвидува дека помалиот, свитлив модел ќе чини околу 1.199 долари, додека поголемиот, со новата технологија, би можел да чини околу 2.000 долари.
Можно е „Apple“ да лансира премиум верзија заедно со поевтин модел, така што двата уреди би покривале различни делови од пазарот и ценовни категории, пренесува „ReadWrite“.
